27.04.2017 күні 9-сынып оқушылары сынып жетекшісі Қырықбаева М. Н-мен бірге ауыл мешітіне барып көмек көрсетіп қайтты.Ұлдар ауыр жүктерді көтеріп сыртқа шығарып, кілемдерді қағуға көмектесті. Қыздар еден жуып, жиһаздардың шаңын сүртіп мешіт ішіне тазалық орнатты. Ауыл мешітінің молдасы Шаяхмет атамыз балалардың ниетіне риза болып , оқушыларға батасын берді.

«С. Аманжолов атындағы орта мектеп» КММ

24.04.2017 жылы С. Аманжолов атындағы орта мектепте «Ахмет Байтұрсұновтың балалар әдебиетіндегі орны» тақырыбында оқушылармен ауызша журнал өткізілді. Іс-шараға 5-11 сынып оқушылары қатысты. Іс-шара 9-сынып оқушыларының жетекшісі, биология пәнінің мұғалімі Қырықбаева Меруерт Нурланқызының баяндамасымен басталды. Әрі қарай 9-сынып оқушылары видео көрсетіп, Ахмет Байтұрсұновтың өмірбаянымен таныстырды. Келесі кезекте 6-сынып оқушылары Ахмет Байтұрсұновтың өлеңдері жайлы мағлұмат беріп, «Анама хат» өлеңін мәнерлеп оқыды. Іс-шараны 7-сынып оқушылары жалғастырып, «Қырық мысал» , «Маса» өлеңдер жинағы жайлы толық мағлұмат беріп, қандай бағытта жазылғанын айтып кетті. Жақсының аты, ғалымның хаты өлмейді дегендей Ахмет Байтұрсұновқа қаланған ескерткіштер мен ақынның атындағы университет және музейлер туралы мағлұматпен 8-сынып оқушылары таныстырды. Мектебімізде ақынның ізін жалғаушы ұрпақтары 5-сынып оқушылары- Аманбек Сұңғыла, Жанарбек Бүрлен, 9-сынып оқушысы-Тоимбаева Шынар, 10-сынып оқушысы- Бекболат Марғұлан ұлы тұлға Ахмет Байтұрсұновқа арнап жазған өлеңдерін оқыды. Іс-шара мектеп кітапханашысы Роза Советхановнаның сөздерімен қорытындалды.

22.04.2017 жылы 9-сынып оқушылары география пәнінің мұғалімі Қырықбаева М. Н -мен бірге ауылға
экскурсия жасап қайтты. Шляпа тауына шығып қызықты уақыт өткізді.Мұғалім
оқушыларға табиғат кешені, климат, экология, қоршаған ортаны қорғау туралы
мағлұматтар беріп, сабақпен аймақтық компонентті ұштастырды.